هدية الاجازة ,, الحلقة 11 من مسلسل قلب الندم ^^ عجييبة حيااكم ^^

السلآم عليكم و رحمة الله و بركاته ..

آخر احداث الحلقة السابقة ..( عاشق زمانه يمر و يقول باي للبنات ,, و يعصبون و يحاولون يدبرو حيلة له ,, و ناصر حبيب حلوة الاحساس يرقم وحدة منهم ,, و تعصب و تبكي و تزعل من البنات .. و ميمي بعدها تحاول تقنع نفسها ان سالم حلو , مريومة ابوظبي تنصدم من غرفة النوم و تعصب و ترمي الكرسي ع راس زوجها هزاع ,, اما عبير الشوق مربوطة بالطيارة لأنها رمت الملعقة على حمد , و بياخذونها للتحقيق )

________________

في طائرة عبير الشوق ..

حضرت الشرطة ,, و على طوول للتحقيق مع عبير

المحقق : عبير .. شو ها اللي سويتيه بعينه ؟ هبلة انتي

عبير : يا المحقق هذا أصلا زوجي

حمد
يا الكذابة شو زوجج ؟

عبير : هيه ما عليك منه يا المحقق , هو اللي زعلان و ما يبا يقول

حمد : والله يا المحقق ما اعرفها

عبير : والله زوجي والله ,, خلاص انا حلفتلك

المحقق : اووووووف , خلآص خلآص .. مالت عليكم اسكتو ,, الحين انا منو اصدق ؟

عبير : انزين يا المحقق خليني اروح اجيب لك عقد الزواج من بيتنا بقطر

المحقق : اوك بس بشرط نرسل معاج شرطة

عبير : اوك

و حمد مستغرب عيوونه و لسانه كله طالع من الاستغراب

و اخذو عبير بطيارة على قطر ,, و هي بهالوقت تفكر شو تسوي

________________________________________

و في غرفة قلب الندم ,, قاعدين قلب الندم و فديتني مسكريه و مصرقعه مبرقعه

مصرقعه مبرقعه : خلاص لقيت حل لعاشق زمانه ,, بروح و بقطع شعره

قلب الندم : حراام ههههههه

مصرقعه مبرقعه : جب جب ما يخصج

و لبست عبايتها و شيلتها و طلعت ,, لاقت عاشق زمانه قاعد يتأمل البحر ,, جت من ورا ظهره بدون ما يحس ,, لبست قفازات و مسكت المقص

تك تك تك

عاشق زمانه حط ايده ع راسه ,, لقى شعره صار مطبات ,, طالع نازل

طالع وراه حصل مصرقعه مبرقعه ركضت تهرب

عاشق زمانه : والله لتشووفين ,, حسابي معااج بعديين

و راح ع طول لبس كاب أحسن لا حد يشوف

و ظل شهر كامل يلبسها حتى و هو نايم خخخ لين ما تعدل شعره

__________________

و في غرفه حلوة الاحساس

الفون يرن ,,

حلوة الاحساس : ياا ربي ما اقدر ما ارد

ردت

حلوة الاحساس : ألو

ناصر : هلا بسارونتي

حلوة الاحساس : شوو تقوول ؟؟

ناصر توهق : آآآ قصدي ان انتي تسريني و تفرحيني هيه جي قصدي

حلوة الاحساس : انزين ما ابا تقول جي ,, قول هلا حبيبة قلبي الغالية الدافية اللي اجمل وحدة في الكون اللي عيوني تحبها و ما تشوف غيرها و اللي هي قمر ,,,

ناصر : حشى تعبير

حلوة الاحساس : واااااء

ناصر : خلاااااص بس قوليلي الكلمات عشان اكتبها و احفظها

حلوة الاحساس سكرت الفوون معصبة و زعلانه ,, و قعدت تبكي ..

_____________

أما في غرفة مريوومه ابوظبي ,, بعد ما ضربت هزاع بالكرسي طاح بالأرض

مريومة أبوظبي : مالت عليك تتدلع من اول يوم

و راحت نامت على السرير مال الأطفال ,, و راسها طالع من فوق و رجولها طالعه من تحت

و صحيت الصبح ,, حصلته بعده بالأرض

مريومة أبوظبي : اووف مالت عليك ,, دلوع

راحت عنده ,, رفسته ,, ما رد

مريومة : هزاع ؟؟ هزاع رد ؟

قربت منه ,, حصلت ما يتنفس ..

( هزااع ماات )

مريوومة : شو اللي سويته ؟؟ كيف متت ,, هزاع قووم رجييتك قووم

___________________

و عند ميمي ..

تتكلم مع سالم بالفون

سالم : ميمي لازم اليوم اشوفج ,, تعالي المول

ميمي : سالم شو تقول ؟ مستحييل اقدر

سالم : ميمي سمعي كلامي .. اليوم بتطلعين يعني بتطلعين ,, تجهزي الحين بجي آخذج بسيارتي

و سكر السماعة

ميمي : اووف يا ربي هذا ناوي يسويلي عيد الرعب بكشته و شكله

لو كان مزيون كان فكرت اركب ويااه

بس يالله شو اسوي ,, بنشوف يمكن يقولي أحبج ؟ أو يمسك ايدي ؟ الله و الله وناسه
و راحت تلبس و تتكشخ

________________

و في غرفة سنفورة العين ..

سنفورة العين .: ياخي شو بظل طول عمري عزباء ,, انا الحين عمري 12 و صار لازم اتزوج

و راحت عند امها ..

سنفورة العين : أمي ابيج اليوم تروحين تخطبيلي واحد

الأم : شو تقولين ؟؟ انتي ولد حتى اخطبلج مثلا ؟

سنفورة العين : أمي تعرفين انه شرعا لازم نستر على شباب المسلمين ,, و انا حابة استر على واحد منهم

الأم : ياا ربي شهالبنت
أقول سيري غرفتج ,, سييري بسرعه ,, عيب يا بنت ,, اذا انتي صغيرة تقولين روحي اخطبيلي ,, عيل يوم تكبرين شو بتخطفين واحد ؟

سنفورة العين بنفسها : افف شو هالزمن ,, ما يبون الستر ,, و راحت غرفتها معصبة

و راحت اتصلت بفديتني مسكرية و اتفقو انهم يروحون يتمشون

و في الحديقة ..

سنفورة العين : تخيلي فديتني ,, أقول لأمي روحي اخطبيلي بستر على واحد تقولي لا

فديتني مسكرية : والله و انا قلت لأمي الشرع حلل 4 بروح اتزوج الحين واحد و يوم أكبر الثلاثة الباقيين ,, بس عصبت

سنفورة العين : هيه والله ما يبون الستر

عاد كان في واحد ماشي مر من جنبهم ,, سمعهم و فطس ضحك ,, و قال :
شو تحسبون نفسكم أولاد

و فديتني مسكرية عصبت و على طوول سوت حركتها المعتادة ,, مدت رجلها و طيحته

____________________________

ترى ما الذي سيحدث مع سنفورة العين و فديتني مسكريه

و ماذا عن عبير الشوق و عقد الزواج الوهمي ؟

و هل ستترك حلوة الاحساس حبيبها ناصر ؟ أم تسامحه ؟

و هل سينتقم عاشق زمانه ؟

و ماذا عن ميمي و طلعتها ؟

كل هذه الاجابات سترونها في الحلقات القادمة من مسلسل : قلب الندم

تابعوونا

عدد المساهمات : 830 تاريخ التسجيل : 02/03/2010

شوو هاا يا عبير الشووق >> ورطتي عمرج !! هههه .. تستاهلين محد قالج تفلعين حمد في عينه بالملعقة

ومصرقعة مبرقعة شو هالحركة الي سويتييها في عاشق زمانه ما تعرفين انه من شهور يطول شعره حق بعض الناس،، وانتي بكل بروودتج تقصيينه !! >> وتحملي شو بيسوييلج هههههه

أما انا طلعت دلووووعة من الخاطر واتشرط على ناصر بعد!!

ومريووومة أبوظبي شو هالدفاااااااشة !! طلع ريلها أرق عنها بعد هههه

وميمي >> بيغمى عليج من شكل سالم هههه ،، كل مرة تشوفين كشته زادت خخ

وسنفورة العين .. برووحج سنفورة شو تبين بعد ! تتزوجييين هههههههه

وفديتني مسكرية >> تحسبين عمرج ولد مثلاً هههه ولا بعد محطية أمل انها تتزوج 4 ،، أما الحركة الي سويتييها شكلج متعودة تسوينها على أخوج هههه
v
v
v
بنااات لا تزعلووون ع التعليقات ترى والله سوالف ومزح

ومشكووووووووووورة وااااااااااااايد يا قلب الندم ع المسلسل ونتريا الحلقة الي بعدها بفاارغ الصبر ^^

آآلسلآآم عليكم و رحمه الله و بركاته
كيفيك ياا عسلل ؟؟
ان شاء الله تمام تمام
ههههههه عجييبه الحلقه حلووه قصة الشعر منج مصرقعه مبرقعه
اممم و انتيي يا عبيير الشووق الله يعينج و بص
امممممم مريوومه ابوظبي والله ماا توقعت مننج انج راحح تقتليينه خخخخ الله يعينج و بص
امم و انتو سنفوره العيين و فديتني امسكريه بنات اخرر ززممن ما تووقعت تبوون تتزوجوون بسسرعه
هع هع حلووه حركتج دووم فديتني المسكريه
و انتي ميمي ,,, خلاااص ساالم ممب مززيوون يعني ماا بيتغير فاا لا تتوقعيين انه بيتغير هع امززح ^^
تسلميين قلب الندم ع الحلقه
ف اما ن الله

ههههههههههههههههههههه يسلموو ع الحلقة فطست ضحك الله يعين شو بيصير معاي

تقبلي مروري

ههههههه الله يسلمك فديتكم ^^

نورتو بمروركم ^^

و تابعوونا قريب ان شاء الله الحلقة 12 ^^

>هههههههه حركتاات ها الحلقه

كوول

بصرااحه هاي الحركه ما بنساها و شكليي كل يوم بسوييها فــاخووي >>>الله يعييينه

هه تسلميين قلبوووه ع الحلقه الحلوووووووووه

الله يسلمك فديتك ^^

نورتي ^^

صرااحــة الحلقــة رووعــة ..

تسلميين قلب الندم عالحلقة .. و بانتظار الحلقة القادمــ’ــة ... ^^ ...

تحياتــي ..

مريووومــة أبوظبي ... ^^ ...

الله يسلمك يا الغاالية ^^

نورتي ..^^

مـٍآشـٍآ ــٍآلـلـه

ـٍـأبـٍدأع × ــٍأبٍدأع

مـًـشـٍكـًوٍوًوٍره ع ٍــآلـٍمسلسل

ــألرآئــٍع ٍ ..}

بــأنتـٍظـأرًجـديدكـً

تـٍقًبٍلي مــٍروًري ...~

العفوو فديتك نورتي ^^

تسلمين الحلقة تجنن واايد حلوة

ونتريا الحلقة القادمة

تقبلي مرووري ^^

الله يسلمك يا الغالية ..

اكييد مقبول و لو ^^

السلام عليكم

اولا اعتذر لكم حبيباتي ع الغياب الطويل
لكن و الله ما غبتو عن بالي
حبيبتي قلب الندم ابداااعك يزيد رووعة كل يوم
الحلقة رهييييييييبة ما شا الله عليك
انتظر الحلقة الجاية

بارك الله في مجهوداتك حبيبتي

تحياتي لابطال و بطلات المسلسل ههههههههه

عدد المساهمات : 30 تاريخ التسجيل : 02/03/2010

نااايس الحلقة كلها كووميديااا

يسلم هل الايادي يا رب

» لا تفوووتكم الحلقة الأولى من مسلسل قلب الندم ...
» بسرعة ادخلوووا ,, الحلقة الثانية من مسلسل قلب الندم ^^
» مسلسل قلب الندم ,, و تستمر المآسي ..( الحلقة الخامسة )
» و بعد طول انقطاع , نعود لكم مع الحلقة العاشرة من مسلسل قلب الندم ^^ لا تطوفكم
» الحلقة الثاااااالثة من مسلسل قلب الندم ... ادخلوا شوفوا مين بتعرس و .. و ..