هل تعرضتي للخيانه ؟ تعالي يا الغالية ..اعداد خبيرة علم النفس حسناء حسن ^^

السلام عليكم و رحمة الله و بركاته ..

_ الخيانة _

هل تعرضتي لتلك الخيانة اللعينة ؟

هل تألمتي منها ؟

تغيب آلشمس ,, وتدمع عين كل مجروح على الأيآم اللي عاشها مع آحبآبه اللذين هجروه ,,

و لكن .. هل البكآء سيفيدنآ ؟؟

تعآلي آختي الغآلية إلى هذا الموضوع ,,

سترتآحين كثيرا ان شاء الله ...

هذا الموضوع من اعداد خبيرة علم النفس : حسناء حسن
_ يسمح بنقله _
_ جميع الحقوق محفوظة _

تدور فينا هالدنيا ,, و نشوف أشكال و أجناس ,, و يااا كثرهم .. اللي راحوا بفخ و دواهي

هكذا تبدا خبيرة علم النفس بموضوعها

طبعا الخيانة مو بس تكون بين شخصين يحبون بعض ,, لا ,, الخيانة تحدث بين الأصدقاء ,, بين الزوجين ,, حتى بين الاخوان !

- بين الحبيبين –

طبعا أكثر نوع خيانة معروف ,, و الأكثر شيوعا ,, هو اللي يكون بين الحبيبين ,, تعيش معاه أيام و شهور ,, و مرات في بعض منهم يبقوا سنين مع بعض ,, و النهاية يخونها أو تخونه

بس احنا بموضوعنا راح نتكلم عن البنت اللي تنخان

في بنت كنت أعرفها شخصيا ,, كانت تحب واحد تحبه تحبه لمرحلة يمكن أشبه بالجنون ,, طبعا كانت متعرفة عليه من النت ,, و هوكل يوم يقول لها ,, لازم نتزوج ,, و مدري شو ,,

تخيلوا رسل لها صوره ,, و أهداها تصاميم

عاشت أجمل أيامها معه على قولتها

و جاء اليوم اللي تمنته ان ما يجي ,,

من كثر شوقها له ( طبعا ما كان داخل عالمسن ) ,, شو سوت ,, راحت فتحت موقع البحث ( قوقل ) و كتبت اسمه !

-- الشوق و ما يفعل !,,

و طلعلها !!

طلعلها مقاطع يوتيوب باسمه !

دخلت شافت و فتحت البروفايل الشخصي لصاحب المقطع

لاقت اهداءات كثييييييير و كل واحد باسم بنت !!

طبعا هي شو قالت : يمكن مو هو ! أكيد في مليون واحد مثل اسمه ,,

و راحت فتحت واحد من هالمقاطع ..

شافت نهاية المقطع ...

كانت أكبر صدمة بحياتها ..

مكتوب : مع تحيات : ( و مكتوب ايميل الحبيب المنتظر ) .....

عرفت انه هو ..

سألته عن السبب , و تهرب من الاجابة و اتهمها بإنها ( تتجسس عليه ) !

يتبع ..

كرهت عمرها و بكت و ضاقت الدنيا بها ,, بس شو الفايدة ؟ خلاص مافي فايدة من البكا ..

بس و الله صدقوني الحين عايشة حياتها ,, و احسن من قبل ..

الوحدة ليش تحس بالانكتام عند الفراق ؟

اللي تنخان تبكي , و تتحسف ليش ؟

لأنها تذكر الأيام اللي عاشتها مع حبيبها

تذكر كل حرف منه

تفتقد حنانه

خليه يولي ! خانك عباله مافي غيره بالدنيا ؟ و الله مليون غيره و غيراته يتمنونك

و بالعكس ,, خلي اللي صار ,, ذكرى و تجربة بحياتك ,,

عشان ما تغلطي مرة ثانية و تحبي بهالطريقة

لأني ادري .. الوحدة ان ما جربت ما تصدق !!

يا عمري اللي ينخان ,, مو يعني انتهت حياته ,, خلاص لازم ينسى ,, الدنيا مليااانة بشر ,, و هو مو ملاك ,, بس و الله اللي يحب يشوف اللي يحبه أحسن عن كل بشر هالدنيا ,, بس لو خانه يعرف شو هو ,,

تدرين ,, كل دمعة انتي تنزلينها هو ما يحس فيها ,, هو يعيش حياته و انتي تبقين نادمة و متحسفة عليه
يا قلبي انسي ,, عسى الله يعوضك بالأحسن منه ,, و اللي يحبك و يعزك و يعرف قدرك

أصلا يا عمري اللي يخونك ما يستاهل تزعلين عليه ,, ليش حتى تحبيه و هو راكض ورا غيرك ؟

خليه و عيشي حياتك

( الحياة مستمرة )

تذكري يا قلبي انتي لا أول و حدة ولا الأخيرة اللي تنخان ,,
انسي ,,
بكرا يوم تتزوجين راح تنسي ,, فكري بمستقبلك كيف تبنيه و حاولي تنسي اللي خان ,, ترى لا دموعك ترجعه ,, ولا حرقة القلب ..

و بعدين يا قلبي صدقيني قرري من اليوم تبدي حياتك بالحلال ,, لأن انتي لما كنتي تكلميه كان ( حرام ) ,, مو صح ؟

و الله سبحاااانه كريييم ,,
صلي ركعتين ,, و اقري صفحة قرآن و استغفري و قرري تفتحي صفحة جديدة بحياتك
و أنا ضاامنة لك مليون بالمية ترتاااحي ..

طبعا ادري في كثير منهم ,, تكون البنت عطت حبيبها صور لها ,,

تصير كثييييير

شوفي فديتك ,, بهالحالة ما راح تستفيدي ان خليتيه عندك ,, سواء ايميله او رقمه ,,
دوريلك على رسالة او مسج مثلا يكون ديني ,,
يتكلم عن اللي يستر على المسلم و هيك

ارسليه له ,, و خلاص احذفيه و انسي السالفة

و ادعي ربك ..

و ان شاء الله سبحانه راح يستر عليك ِ ..

..

يتبع ..

- الخيانة بين الزوجين –

و هالنوع نقدر نقول أخطر أنواع الخيانة ,,

لما الزوجة تقعد تنتظر زوجها ,, تحمل له كل الحب ,

و بالنهاية يروح يمشي و يتعرف على غيرها !! و بالحرام !!

طبعا احنا نتكلم مو عن اللي يتزوجوا على زوجاتهم ,, نتكلم عن اللي بيتعرفوا ع بنات وهم متزوجين

عزيزتي الزوجة :

اقعدي مع زوجك بالفترة اللي يكون فيها مرتاح ,,

اسأليه اذا في شي مو عاجبه منك بكل هدوء

ترى و الله العصبية ما راح تفيدك بشي

راجعي نفسك ,, شو الشي اللي انتي مقصرة فيه ,,

قوليله
: حقك علي

أوعدك اني ما أقصر معاك

و صدقيني لما يشوف اهتمامك الزايد به و ثقتك فيه ,, راح يبتعد عنهم لحاله

طبعا لا تقوليله ليش تمشي مع بنات !!
أو ليش تروح مع مدري منو !!

هذا أكبر غلط !

بالعكس ,,

ابدي له انك واثقة فيه ,,

قوليله دوم : أنا ادري انك مستحيل تخليني

أدري مستحيل تتركني و تبتعد عني

و من هالكلام ,, و هو بنفسه راح يتركهم و يجيك ِ ,,

جربي ,, و بإذن الله تعالى ما تشوفي إلا كل خير ..

____

يتبع ..

نجي نتكلم عن البنت اللي خانوها صديقاتها ,,

كيف ؟؟

تكون البنت وفية لصديقاتها و تقول لها أسرارها و كل شي

و فجأة تلاقي ان أسرارها انتشرت بين البنات !

و بعض الحالات يوصل الخبر للأهل !

البنت ما تدري كيف تتصرف !

تروح اما تسوي مشكلة معاها ,, أو تروح هي بعدو تفشي اسرارها ,,

لا يا قلبي ,, الحين لو افشيتي اسرارها راح ترجع اسرارك ؟
ما راح ترجع ,,

خليها ,, قوليلها الله يسامحك قدام كل البنات
و صدقيني و الله راح يحتقروها بنفسهم

و ما حد راح يرضى يصاحبها أو يقول لها أسراره !!

و مهما كانت أسرارك اللي انتشرت ,,

عادي !

الحين البنات بنفسهم احتقروا هذيك و راح ينسوا ,,

و طبعا نفس هالشي يصير مرّات بين الاخوة و الأخوات ,,

اقعدي مع أختك ,, و اسأليها بهدوء عن السبب اللي خلاها تقول أسرارك ,,

و سامحيها و قوليلها خلينا نبدا صفحة جديدة من اليوم ,,

و بإذن الله هي بنفسها راح تندم اذا شافت تعاملك الحلو معاها

ترى دائما ,, الهدوء و الطيبة و حسن التعامل هو اللي يجيب النتيجة ,,
شوفوا بكل الحالات استعملنا اسلوب الهدوء ..

عسى الله يريح بالنا جميعا و يهدينا و يبعدنا عن السوء ,,
آمييين يا رب

و ان شاء الله تكونوا انتفعتوا من الموضوع ,, نشكر كل قارئة غالية و نشكر خبيرتنا العزيزة ..

و السلام عليكم و رحمة الله و بركاته

ابدعتي اختي حسناء حسن

جزاك الله ع هذا الموضوع الرائع

تقبلي مروري

أكيد مقبول يا الغالية ^^

نورتي

حلوووووو مشكووووووووورة

يــــســــلــــــمـــــو

» الآن على منتديات قلب الندم ,, نشيدة غرتني هالدنيا ,, كلمات حسناء ( قلب الندم) و إنشاد ( جريح )