يا صاحبي .. بقلم قلب الندم

السلام عليكم و رحمة الله و بركاته ..

يا صاحبي احذر ..

و الله هالدنيا .. تغدر ...

هالدنيا لا جيت يومٍ تبغي تصاحبها ..

رحت معاها في وادي من غير النهاية ..

و يمكن حتى مجهولة البداية ؟؟ !

هالدنيا نبداها بلحظة غلا و أشواق ..

و ننهيها بدموع ألم .. أو دموع فراق !

ليش الحياه مرّة ؟؟

يا صاحبي لا تسأل ..

ترى هالدنيا هي قسمة و فيها نصيب ..

و نهاية شمس الصباح كل يوم تغيب ..

يا صاحبي هالدنيا ما نعرف نهايتها ..

و ربنا الوحيد اللي يعلم ..

أدري الوفا بهالزمن شبه انعدم ..

و لا جيت تبني المحبة بلحظة تنهدم !"

يا صاحبي أدري .. و الله أدري !!

أنا الدنيا يا صاحبي ذقت طعم الألم منها ..

و شرقت كاس السموم من حرقه حوادثها ..

أنا يا صاحبي حاولت ..

و رويت لناسي أعذاري ..

و بحت بحرقتي .. و فضحت أسراري !!

يا صاحبي لا ترحل ..

رجيتك .. لا ترحل ..

يا صاحبي هالدنيا مو ملك البشر ..

يا صاحبي هالدنيا تجري بالقدر ..

يا صاحبي لا ضاق عليك الكون كفكف دموعك ..

و اذكر إله الكون ..

و انظر للقمر ..

شوف القمر في الليل هو نور السما ..

عمرك شفت نوره في يوم انطفى ؟؟

يا صاحبي خليك مثله و ابتسم ..

حاول تخلي الكون بيدك يرتسم ..

ارسم فرح عمرك .. و ارسم للأمل" أغصان "

و انسى الكدر و الهم .. و اذكر نهاية الانسان "

يا صاحبي احنا اليوم فوق هالدنيا ..

و بكرة نهايتنا "تحت التراب "

اذكر خالق الأكوان ..

و احذر تشكي الحرمان "..

يا صاحبي ارضى بالقدر ..

و ارضى باللي هو لك مكتوب ..

و نور دروبك بشموع من نور الأمل ..

و على الدنيا .. إياك تتكبر
إياااااك .......
تتكبر "

بقلم: قلب الندم

صح لساانج يا الشاعره

سعدت ان اكون اول من ارد ع هذا الموضووع الموول

ما شاء الله ع الكلمات

بالتوفيق

تقبلي مروري

^^

تسلمي يا رب كلك ذووق ~

و أنا سعدت أكثر بتواجدك معي ~

العفو تسلمي عيووني ~

ما شاء الله ابدعتي قلب الندم مشكوووورة على الابيات الرائعة

الله الله الله ... رووووعة .. أهنئج على هذا الكلام العذب الموزون ... صح لسانج يالشاعرة ... و تسلميين ...

ملاحظة .. بس لو تعرفين تكتبين أنا أريد أتعلم من ج إذا ما كان في مانع ؟؟؟ Embarassed

العفو تسلموا يا عيووني ~

مريوومة أبوظبي عادي أي شي بدك ياه قوليلي ~

يسلمووووو قلب الندم
صح لسانج

معلووومة: لوتعرفون
قلب الندم يسمونها شاعرة المدرسة ..

الله يسلمك عيووني

شكرا على المعلومة

» الآن على منتديات قلب الندم ,, نشيدة غرتني هالدنيا ,, كلمات حسناء ( قلب الندم) و إنشاد ( جريح )
» الى قلب الندم
» الى قلب الندم
» عادي لو ...قلب الندم
» قوانين منتديات قلب الندم