مذكرات العمره

مرحبا يا اعضاء المنتدى

قبل 5 ايام رجعنا من العمره


ورح نكتب كل شيئ بتفاصيل



اوك يلا




اول يوم : رحنا على مركز مدينة زايد لان باص الحمله واقف هنيك الساعه 5 ودعنا بابا و اتخرك الباص لا تتخيلوا الحر و لا الجحيم داخل ضداع فتاك و حر شيئ يعني ... العذاب اهون المهم وصلنا لمنطقه ما ندري شو اسمها نزلنا من الباص عشان نصلي المغرب و العشى و الله الجو كلن حلو برع و هوا بارد احسن من الجحيم الي داخل الباص صلينا و بعد الصلاة الكل قعد يتكلم عن تكيف الباص
و بعد ما ركبنا اخدنا 3 عوائل في طريقنا المهم و صلنا حدود الامارات الساعه 12 بليل طبعا ماما مجهزه كل شيئ المنطفه مقطوعه فسكبتلنا شاي حار و شربنا و رحنا حدود السعوديه ( شوي ورح نسكن هناك) اخونا ( المحرم تبعنا) كان فرحان عشان حسابه في اي بي مستوى 2 و يالس يقول : متى تصير مستوى 6 المهم رحنا و وصلنا عند نقطت تفتيش ( و النعم) شيئ لا يوصف ابدا مجرد التذكر .. الحمد لله على كل شيئ المهم دخلنا السعوديه بليل الكل ناموا الى نحن طبعا جمب بعض نطالع الصحرى البرع شوي شوي نمنى ما حسينا الى سواق الباص بدل ما يبطئ السرعه عند المطب بلعكس زادها و الله هل الباص طار فينا و هبط كل كل الي في الباص صحيوا و مضينا الليله على هل النحو


يتبع ...

اليوم الثاني : صحينا في موقف كلمة زباله ما تعبر عنه ابدا ... شيئ .. يعني .. اتخيلوا حتى العقارب موجوده ( توبه توبه ابدا ما نروح مكان بسياره او باص ياخي في شيئ اسمه وسائل نقل جويه ) المهم صح درجة حرارة الباص بترتفع مع ارتفاع درجت حرارة الجو و اللهي مأساة عن جد و صلنا المدينه المنوره المغرب اسبحنا بعدين ماما و اخونا راحوا المسجد النوبي صلوا المغرب و العشاء و جوا و هديك الليله و نحن بسابع نومه اجى واحد غليظ و دق الباب امي فتحت الباب ( ترى اخونا نومه ثقيل ) هذا مندوب الحمله قال : بكره رح نروح نزور المزارات
انزين بعدين نمنا


يتبع...

اليوم الثالث : قمنا متأخرين كلعاده و لو المهم سرعه سرعه رحنا اتحممنا و صلينا و ركبنا الباص و رحنا اول شيئ رحنا الجبل الي خذل فيه الصحابه الرسول صلى الله عليه و سلم و صورنا المكان بعدين رحنا مسجد قباء و مصنع التمر و ... المساجد السبعه ( ما ندري ليش اسمها المساجد السبعه نحن شفنا واحد بس) المهم و باقي المزارات و ردينا الفندق و على طول رحنا صلاة الظهر بعد ما ردينا خالتنا الي عايشه في تبوك قالت انها جايه تزورنا و نحن حضرنا من هداك الوقت اتخيلو وصلو و نحن نصلي العشى بس ماما قالت الى ندخل الروضه طبعا زحمه شيئ مبالغ المهم دخلنا و يعني شفنا و سمعنا ( انخيلو وحده جوه الروضه تسب جوا الروضه ) و الناس يدافعوا ماما و اختنا الصغيره طلعوا بلعافيه نحن علقنا بس الله لطف كان معانا وحده دلتنا على الروضه و امنا و هيه صاروا اصحاب المهم طلعنا بعد ساعه و نص و الله يكرمكم النعالات ضاعت و ندور و ندور و خالتنا و زوجها طفروا فراحوا اشتروا العشى و جوا و نحن نلف و نلف و نلف حاله صعبه بعدين لقيناها و رحنا عن خالتنا كانوا قاعدين في ساحة الحرم المهم رحنا و يوم راحوا معانا الفندق ها ها رحنا دقينا الباب ما حد رد ( اخونا الكبير كان داخل) و نحن ندق الطابق كله صحي الى اخونا ( ما قلنالكم نومه ثقيل) المندوب تبع الحمله معانا في نفس الطابق جا و قال شوفي قلناله الولد داخل نايم قال كل ها نايم المهم شو اسمه قلنا احمد صار يدق على الباب يا احمد افتح يا عم يا احمد اخر و احد في الممر صي قاله خليك في خحالك و نحن نضحك و لا سو نسوي و الله اتهبلنا الرجال ما قدر ينام فنزل هو و المندوب تحت ليجيبوا و نحن قبلهم نزلنا قالولنا مافي ( يعتي اذا هل الغرفه احترقت صالها شيئ حد يومت داخل اشلون ما عندهم مفتاح احتياط) المهم هم نزلزا احمد فتح الباب و قفل المكيف طبعا حر فظيع تصدقوا بعد ما خالتنا و زوجها و اولادها راحوا ماما سمعته بهدله مرتبه قالنا انا للحين ما مستوعب شو الي صار



يتبع ...

اليوم الرابع: صحينا من النوم و رحنا شايلين فطورنا لعند خالتنا هم في فندق و نحن في فندق نحن نزلنا قبل ماما و ماما لما نزلت كانت تضحك لما بعدنا قلنالها شو في قالت : هدول الي نزلزا معاي ساكنين في نص الجناح مالنا قالتلهم اسفين على الازعاج قالولها اي ازعاج نحن ما سمعنا شيئ لا ازعاج و لا شيئ لما قالت لرجل خالتنا قالها كلهم من نفس الطينه قعدنا نضحك اليوم كله على هل الشيئ بعدين رجل خالتنا و اخونا راحوا صلاة الظهر اصلا انتهت بس راحوا نحن قعدنا نصور اولادها احلى الصور كانت لجوزيف او يوسف الكل يقولوله جوزيف عمره 9 شهونور بعدين فاتن عمرها 3 سنوات بعدين فاطمه 4 سنوات قعدنا نصورهم و امنا و خالتنا قاعدوا يسولفو بعدين رجعوا اخونا و رجل خالتنا و اتغدينا بعدين قريب المغرب شفنا فاطمه نتلقي محاظره لفاتن عن النظافه و الصابون ماما قالت لو شركة لكس تعرف بترسلكم 5000 ريال نحن شوي بنموت ضحك بعدين رحنا الحرم و صورنا صلينا العشى كنا مختطين نروح السوق بس خالتنا ماقدرت على اولادها اتصلت على زوج خالتنا وقالتله ما قدرت احتمل اولادك تعال و خذهم بصراحه كانت طفرانه بعدين اخذهم و رحنا السوق ردينا الساعه واحده اول شيئ رحنا فندق الي نازلين فيه خالتنا و اختنا الصغيره ظلت هناك و نحن ردينا الفندق و رتبنا اغراضنا كلها بس ظلت ملابسنا الي لابسنها و نمنا


يتبع .....

اليوم الخامس : صحينا و رحنا صلاة الجمعه وردينا نزلنا اغراضنا و ودعنا خالتنا و خوزيف شوي بيبكي و الله نحن الشوي و نبكي ودعناهم و ركبنا الباص و رحنا بعدين و قفنا عند مسجد ( لحظه نسأل عن اسمه .. اسمه ابيار على) بعدين راحت امنا اشترت لاخونا حزام اليربط فيه احرامه و بصراحه كان منظره يموت ضحك ( قولوا ما شاء الله) اخونا نحيف لدرجت ان كل عظامه ظاهره فهو كان يعني يستحي من الناس يقولون عنه مريض او شيئ من هل القبيل المهم رحنا و نوينا العمره و وصلنه المدينه المنوره الساعه 9 او 8 امكن رحنا الفندق و رحنا عمرنا و الله تعب و الشيئ الي زاد الطين بله نحن مفكرين ان الشوط الاول يبدأ بلصفى و ينتهي منه نحن طفنا 14 مره و بعد ها خلصنا قبل امنا احمد راح حلق و نحن قصينا شعرنا و و لما رجعنا الغرفه حصلنا الحمام مطفح ماما قالت : ابدا ما عندهم خدمه غيروا الغرفه و اتعشينا و نمنا كنا وايد تعبانين

يتبع ......

اليوم السادس : ماما قومتنا بقوه صلينا الظهر بعد شوي اذان العصر مضى اليوم عادي ماما اقترحة تروح نعمر من اهلنا قلنالها تعبانين بكره قالت اوك و مثل العاده رجعنا بعد صلاة العشى طبعا لازم نوقف عند محل الاسكريم صار شيئ ضروري جدا اشترينا العشى و بس رحنا اتعشينا و نمنا

اليوم السابع : قمنا رحنا مسجد التنعيم و نحن نازلين من عتبت الفندق سلسل ماما انقطع و لولا ان اختنا الصغيره الملقوفه راحت تشوف احمد و هي طالعه شافته و شالته تصدقوا يساوي هل السلسل مبلغ يعيشك في رغد طول حياتك بس ما بنكتب الرقم النهن ثميم و من زمان عن ماما و رحنا المسجد و نوينا

امتنان : بابا
ابتهال : عمتو ( الله يرحمها )
احمد : خالو( الله يرحمه )
ايمان : جدتنا ام ابونا ( الله يرحمها )
ماما : جدو ( الله يرحمه )

بعد ما طفنا اتصورنا ورا الكعبه و لمسناها ريحتها علقة فينا و رحنا نسعى و نحن نسعي اتعرفنا على وحده قدنا و صرنا اصحاب و قالتلنا على السعي و نحن انصدمنا اللهم خلصنا و صرنا نطوف وياها ( زياده) و بعدين راحت و عطتنا حساب الفيس تبعها و بعدين طفنا و يا ماما و رحنا خلصنا كان المغرب و صلينا العشى مره وحده و رحنا وقفنا قدام الكعبه دعينا لململ و بابا و لاخوانا و لنا و لاصحابنا و انتوا بعد ما نسيناكم دعينالكم كلكم بتوفيق في حياتكم و وايد اشياء دعينا لفلسطسن و للعراق دعينا نرجع مثل ما كنا زمان اقوياء اشداء و يرجع العالم العربي الاسلامي مثل ما كان و دعينا و دعينا

تصدقوا دعينا حتى لازواجنا المستقبليون و اولادنا و اولاد اولادنا  >>> و بعد ها كله نحن خطوبه مو مخطوبين هاهاها

و رجعنا على الفندق

اليوم الثامن : رحنا و لاول مره نصلي صلاة العصر في الحرم قرأنا و دعينا ..الخ بعدين قعدنا بلا شغله ما نلقى نفسنا الى نتكلم عن حلقات المسلسلات الي ضاعت هاهاهاها و لما وعينا على نفسنا استغفرنا قلنا نحن في بيت الله بيت الله مو اي مكان عشان نتكلم في المسلسلات ماما قالت روحوا صلوا في حجر ابراهيم قلنا اوك رحنا كان زحمه و نحن نطوف على امل ندخل بس زحمه و يوم نحن طالعين سبحان الله سبحان الله انفتح ممر بين الناس للحجر مباشرتا ماحد يمشي فيه رحنا صلينا و دعينا و لمسنا الكعبه و دعينا .. يا الله سعور و لا اروع و لا احلى شيئ يعني لا يوصم يوم تلمس الكعبه تحس ان جبل و زال عن صدرك احساس حلوووو مره و شفنا مقام ابراهيم كذا مره و رجعنا فرحانين و قلنا لماما و هي فرحة كمان قالت خليكم عن الاغراض و انا و ايمان بنروح نصلي قلنا اوك و قبل ها ماما دقت على احمد عشان يروح يصلي

يا الله لو تروحوا و تحسوا بأحساسنا

آآآآآآمين تروحوا و تحسوا احساسنا كلكم يا رب آآآآآمين

بعدين قعدنا المغرب و العشى

اليوم التاسع : مضى عادي جدا ... لا لا صار شيئ يموت ضحك .. طبعا مافي خدمة غرف غرفتنا اتوسخت شوي امنا ما تقدر تجلس في مكان مو نظيف بلكامل راحت لقت ( هوفر ) مكنسع اليه بس مو اس وحد موديل 5000 قبل اليلاد >>>قديمه حالتها حاله جت كنست الغرفه و بدلة الزباله و قالتلنا رتبوا اسرتكم رتبناها اجى العصر و لا لقمة اكل و نحن نظف النظافه بعدين اكل يوم خلصنا كل شيئ و اتسبحنا و غيرنا جو الغرفه مع العلم ان الجو حار برع و تحتنا في حفريات تصدع الرأس بعدين رحنا المغرب و العشى و نحن راجعين >>>ماما دايما معاها احتيات فطريق الروحه و الرجعه من الحرم فيه سوق طبعا هي ماما مو اي حد ما رح تطلع هيك مندون شيئ اخذت كم غرض و رحنا

اليوم العاشر : يا الله اليوم اخر يوم يوم الوداع يوم و لا اقسى و يوم جمعه بعد رحنا الساعه 10 و يلسنى شوي شوي الزحمه بدت رحنا دعينا كان عندنا كتيب دعائه حلو من القرآن و الاحاديث الشريفه و دعينا و رحنا في هذي الاثناء بابا كان في البيت يالس يطالع الصلاة احزروا شو صار


شاف احمد على التلفزيون فستغرب بس كان احمد في وضع لا لا لا يحسد عليه في واحد واقف قدامه رجع اجريه لورى و احمد يبا يسجد

اكيد قال : شو هل الورطه

بابا قعد يضحك

صلينا و شربنا ماء زمزم ز دعينا و ودعنا الكعبه و اخر دعوه دعيناها و نحن طالعين

يا رب نرجع هنا مره ثانيه

هذي اخر الكلمات رحنا على الفندق لقينا الناس يدخلون اغراضهم في الباص رحنا الجناه لقينا احمد قاعد و لا على باله بملابس النوم يتفرح على ام بي سي


اخ عدم المبالات تقهر

و قلناله الباص رح بتحرك و انت ما سويت شيئ >>> لحسن الحظ الليله الماضيه رتبنا كل شيئ و دخلنا كل شيئ نحن كنا لابسين بجامات نوم برموده و قميص نص كم من فوق عبايه بسرعه بسرعه رحنا اتحركنا و نحن في الطريق مافيتكيف قلنا يارب تمطر 15 دقيقه السما مطرت و بردنا سبحان الله نحن جبنا معانا كمره فيديو و كمره عاديه في بعض يعني كنا نصور السحب و الطبيعه كنا نبا نحط الفيديو بس للاسف مافي وصله بين الكمرى و الكمبيوتر المهم اتصورنا و صلنا لمحطه اشترينا اشياء و رحنا و في لمح البصر جا نص الليل نزلنا كنا مكسرين مره رحنا الحمام لا تعليق ما دخلنا فهمتزها مأساة داخل المسجد لوحه فنيه و وسخان فيه زباله بس صلينا عشان ما يروح علينا الفرض صلينا معرب و عشى نحن و رايحين من هون اتعرفنا على بنتا اصلا نحن كنا 7بنات في الباص كله 3اصغر من 8 سنوات و نحن الاربعد نحن اثنين و بعد بنتيت وحده 18 سنه و الثانيه 16 سنه صادقناهم و صرنا بست فرند و و للاسف قالتلنا 18 سنه انها ما رح نعيد هني رح تروح تعيد مع اهلها اهل ابوها و امها يوم الخميس هذا اخر يوم في رمضان صرنا نسولف وياهم و هيك رحنا اشترينا اغراض بعدين ركبنا الباص القطب الجنوبي بس و لا يفرق و لا بشيئ احسن شيئ ماما اخذة احتياتاتها و اشترتلنا لحاف صغير طبعا نحن جمب بعض غمضنا عيونا

لا الله الى الله محمد رسول الله

جمبنا بلظبط عائله صغيره ام اب طفل رضيع اسمه عبد الرحمن هذا خلانا نكره الاطفال ياخي صوته فظيع يصارخ و يبكي الى ابوه يقول و يحمله و اذا جلس يبكي

يا الله يا الله فظيع فظيع يطير النوم من عيون بني آدم نحن شوي بنضرب راسنا ببعض الحمد لله كنا مشترين دنوتس كبير ( حجم عائلي ) و ياريتنا ما اشتريناه الناس ناموا كلهم الى نحن طار النوم فقعدنا ناكل شوي شوي شوي شوي شوي الحلزون كان صبقنا قعدنا 2 او اكثر صج بعدين غفينا خمس دقائق

اليوم العاشر : بعد ما غفينا وقفنا في .. زباله ثانيه ما في مكان نظيف الحمام النسائي ما في اكسجين تتنفسيه و صفير فبنات او يعي هم كبار كان في سهريج فقالوا خلاص وحده تقيف في ناحيه و الثانيه احسن شيئ كان جمب حيط الحمام و هيك ساتر المصيبه : في 3 باصات قدام الصهريك مو قدامه قدامه يعدني تقدري تشوفي السهريج يعني متل 25 متر فبدور و الي يغيط كان في رجلين يبون يعرفون شو الي يالس يصير ورا فبحاولوا يشوفوا بس نحن قدها صارخنا فوقهم فراحوا كان الصبح بدري يادوب تشوف خيوت الشمس واحد غبي غبي غبي داس المزمار تبع الباص نحن قلوبنا صارت وصت اجرينا قعدنا نسب و نسب بصوت عالي يوم نزل السواق سعنا نسبه طالعنال و ركب الباص ما مرت ثانيتين ال الباص الي جمبه داس المزمار اه نحن صرنا نصارخ و ربيعاتنا يسبوا و صوتنا مسموع للكل المهم نحن و البت ابو 16 سنه اخر ناس طلعنا كنا ماشين على قشر بيض كل الحملات راحت يوم ركبنا الباص طبعا ماما في اول كرسي قالتلنا ساعه نحن الثلاثه شوفي الزياله الموقفنا فيها و اتقصدنا يسمعنا السائق >>> لا تفهمونا غلط بس كانت اخلاقنا ضايقه بعدين الظهر حر مو طبيعي ابدا

نحن يعني عائلتنا الوحيده الي صاحيه مندوب الحمله مصري قعد ينكت تنكيت و نحن حنموت ضحك طالع وراه شاف الكل نايم و فاتح فمه فقال الي يشوفهم كل واحد فاتح بئو كذا يقول رح يرمولوا 10 جنيه نحن متنا ضحك بعدين صورهم هم يالس جمب ماما في الكرسي الي على الناحيه الثانيه و نحن ورا ماما صورهم و ورى ماما قالتله حرام عليك يا تامر و ورانا نحن ضحكنا بس مسكنا انفسنا احمد ما شافها عطاها للسواق قاله انتظر قله جيب الموبايل شو تبا تسوي قاله بنقلها على موبايلي وانشرها في قوقول الصور ماما قالت حرام عليكم بعد شوي طلع علك و وزعه علينا احسن بدل الحرم و عدم المشغله نعلك شوي بعدين قالنا بزمتكم ( نحن بس ) مو منظر رومانسي على اليمين رمل و على اليسار رمل و قدامك شمس تشوي الوجوه تعرفون ناقص شموع بس و يبقى جو رومانسي 100% نحن ما اتحملنا موتنا ضحك بعد 4 ساعات وصلنا حدود السعوديه و قفنا 2 و نص و حر رحنا ورا عند ربيعاتنا بنت 16 داخت و فقدت وعيها فخلوها نايمه احسن بس والله كانت حالتها حاله بنت 18 سولفت ويانا يعد تعب شديد اتحرك الباص بعد ساعه و نص او اقل وصلنا حدود الامارات

نزلونا صراحه ما حد نزل غيرنا و بنت 18 و مرأه عراقيه كنا فرحانين رحنا نتوضئ نصلي الظهر قالولنا لاأ يلا نروح و فعلا 5 دقائق ما كملنا بسرعه  

و الله و النعم بأهل الامارات

الساعه 5 و صلنا ابوظبي قعدنا نص ساعه بعدين جا بابا اغراضنا ما كفت السياره بابا عطى احمد فلوس قاله روحوا انتو قبلنا و نحن نلحقكم بعد 5 دقائق نحن وصلنا كان السوبر ماركت الي جمب بيتنا فتحوه احسن شيئ يعني اقطع الشارع تلقى السوبرماركت احمد قال روحوا و جيبولي و ياكم عصير و بطاطا رحنا اشترنا و اتفرجنا و بعد ما اكلنا جماعتنا شرفوا دخلنا اكلنا شوي و نحنا  

يلا خلصنا اذا تبون تعلقوا يلا علقوا